情為何物？

讀了這篇文章之後，我覺得我們非常幸福。雖則我倆沒有轟烈的愛情情節，又不能當眾表達愛意，但是我們實實在在地一起共度十六年，不像楊過與小龍女般，分隔了十六年，也不似那對老夫婦般，單方面照料了十九年。

問世間情為何物，直教人生死相許！這個問題，我們都被人問過很多次，在《拼圖》的訪問裡，更被問及怎樣「保鮮」，我也不知道如何說起。但我總覺得，如果雙方都有同樣的信念，「一生一世」是可以達到的。

姊妹們，打開你的心窗，了解真正的自己，然後尋找一個，擁有同樣信念的愛人。我們在此祝福天下有情人！

嘉美雞

今日我哋去咗「王家沙」食飯，有個菜叫做「醉嘉美雞」，嘉美雞好味又無肥糕，最重要係飼養過程無用到激素，唔駛食打針雞，健康好多。

傳說中的腸粉、魚旦

今日去咗呢個傳說中的檔口，位於粉嶺聯和墟，一檔响 corner 位細細間，排隊排到轉晒彎，我哋買咗五蚊腸粉，三蚊魚旦，兩蚊燒賣，果然好彈牙喎。

繼續經營

見到網友留俾我哋嘅留言，話剛剛想同女友分開，因為見到呢個 post 而會鼓起勇氣~面對問題。。。

好開心呀，我初初只係學人寫吓文章嚟慶祝十六周年，放响 blog 度氹吓佢，整整吓覺得寫 blog 都幾好玩呀，佢又會得閒上嚟睇吓喎。

希望我哋嘅故事真係可以話俾呢個圈嘅姊妹知道，天長地久嘅愛情係有可能嘅，我相信十六年或更長嘅關係大有姊妹在，可能係我哋未遇倒嗻。

因為打字太慢，update 得比較慢，不過我會繼續架，希望大家繼續支持啦！

完工

好興奮呀！今日終於完成咗一個足足兩年嘅 project 啦，呢個 weekend 一定要盡情玩番吓！

接受拼圖訪問

都無得先睹為快，就已經出咗街添！

哈哈！佢哋寫得仲精彩過我哋講嘅喎。

http://leslovestudy.com/lesbo/download/lesbo11.pdf

北京首個同性戀論壇 網上開張

轉載自八月十五日《經濟日報》

一個服務同性戀群體我 「同志論壇」，月前在北京朝陽區疾病預防控制中心的愛滋病專題網站 (www.cystd.com) 開通。

這是北京首個帶有政府色彩的同性戀者論壇，由於擔心帶來過多非議，網站管理方直到前日才對外公布該網址。

論壇目前分設 「心靈家園」 和 「同志天地」 兩個討論區，大致內容是接納同性戀者的心情故事和各類生活心理諮詢。

據北京 《京華時報》 報導，在愛滋病專題網站上，與同志論壇並列的，既有國內外愛滋病疫情的信息播報，又有提供愛滋病檢測結果的平台，還有疾控工作人員主持的在線諮詢板塊等。

遊車河

朋友租咗架車，日透去完街，夜晚約我哋食飯。我哋一行兩架車，落咗去石澳，幾經辛苦先搵倒位泊，食飯嗰間舗頭又無冷氣，我哋要吹住風扇嚟食咖哩，哈哈！

千幾蚊租一個 weekend，我惗連埋泊車同入油，大概兩千蚊玩一個 weekend，都幾好呀！

MIX

尋晚同幾個朋友去咗謙記打邊爐，遇着兩個牛魔王，食到我鬼死咁飽，滯到今日，所以我就去咗世貿嗰間 MIX 度買咗杯 juice，嗰度啲 juice 真係唔錯架，我嘅 favourite 就係佢哋嘅 Berry Smoothies 喇，買咗杯大杯庄嘅，一口氣飲晒，舒服晒！

偷得浮生半日閒

今日朝早起身，好唔想番工，於是乎打電話俾秘書姐姐，話自己病今日唔番，然後就捐番上床，攬住佢繼績瞓，到咗中午先至起身。

我哋兩個去咗食 lunch buffet，都好多嘢揀，又幾好食，最重要係閒日無咩人嘛，非常 relax。其實我哋都好鐘意食 buffet，因為可以食倒自己嘅 favourite，又可以坐埋同一張枱，尤其當大家想食唔同嘢嘅時候。

By the way, 今日佢無啦啦讚我 charm 喎，可能係因為我啱啱幫佢攞咗個雪糕啩，嘻嘻！

英國同性神職人員正式結為伴侶

轉載自八月三日《都市日報》

同性戀活動人士周二表示，一名公開承認同性戀的英國聖公會 (Church of England) 神職人員已與他的長期伴侶正式申請結為同性伴侶。他的伴侶同時也是一名牧師。

據路透社報導，英國聖公會的保守派人士對此事感到十分不悅，並表示此舉將加深普世聖公會內對同性戀不同看法的爭執。

一名活動人士表示，聖奧爾本斯 (St Albans) 教長傑佛瑞約翰 (Jeffrey John) 在上周與英國聖公會牧師格蘭特何林斯 (Grant Hollings) 在英格蘭南部一註冊處完成儀式。

英國在去年 12 年通過同性伴侶關係法，賦予同性的伴侶可以享有與異性戀婚姻者相同的法定權利。雖然法律並未明文說明，但一般都稱這新規定為「同性戀婚姻法」。

可戀上同性但禁有性行為
約翰與何林斯相交多年，並稱他們兩人都維持獨身關係。根據英國聖公會的規定，只要神職人員能夠拒絕同性戀之間的性行為，他們可以公開承認同性戀，並申請成為同性伴侶。