Propose

尋晚我親住 Zel 嘅正日，叫咗好多 friend 上 Sky，名義係幫 Zel 慶祝，其實我想所有人做我嘅 witness，播住張國榮嘅「為妳鍾情」，揸住花同介指，我向 Zel 求婚，佢應承咗我啦！！

其實尋晚除咗 Zel，仲同幾個一月之星做生日，真係唔好意思，好似搶晒鏡咁，I am very sorry! 不過我真係需要你哋壯膽，又可以俾啲壓力 Zel，嘻嘻！非常多謝大家抽空出席！

另外，我都想多謝 Sky，幫我收花同插歌，完美嘅配合，事半功倍。

我諗住出年慶祝二十周年嘅時候結婚，希望用一年時間準備，期間可能都需要大家幫忙，不過第一件事要做嘅係減肥，呵呵！

今日瞓醒問番 Zel，佢尋晚真係好震撼，腦海一片空白，到咗今日先至識得開心！其實我自己尋晚都好緊張架，雖然而家平復咗，但可以想像未來一年會好忙！