2009

今年比較凍，所以我哋留响自己屋苑商場倒數，有歌星表現，都幾熱鬧，不過就要好早去霸位，我哋食完飯八點幾去到，都係啱啱可以企到個好遠嘅位，好彩仲可以睇晒全個台。

我二號攞埋假，成個 long weekend 都去咗 shopping，所有商場、百貨公司都爭住減價，冒求要鬥快榨乾你哋，望住 cashier 前面條人龍，真係一啲都唔覺金融海嘯。

除咗去街，我哋都有執屋架，好似今日咁，unpack 啲玻璃嘢，一個都無爛，唔係因為搬屋公司手勢好，係因為 Zel pack 得好，每件嘢都用兩層報紙包住，放入膠箱裡面，仲要响箱底箱面墊晒啲自製報紙 cushion，四個膠箱之中就有三個爛咗，但係入面啲玻璃都無爛，好叻呀！