相信自己

上個禮拜其中一個客打嚟話，因為公司提出一個苛刻條件，佢唔知好唔好接受，希望我可以幫佢開次牌。雖然我一直都唔希望做占卜，但係佢今次真係好迷茫，最後我都應承咗。

整副牌出嚟嘅 message 係話， 只要佢勇敢啲向上司爭取，佢會得到佢想要嘅嘢。所以我就同佢分析佢嘅特質，幫佢自己定立談判嘅目標同低線，鼓勵佢要相信自己，同埋肯定自己嘅能力。

終於佢今日打俾我，話公司已經接受咗佢嘅要求，仲係由公司嘅高層直接通知佢添！

我都戥佢非常開心，唔單止係幫倒佢，仲係再一次得到肯定，只要可以了解自己多啲，係可以去爭取自己想要嘅嘢！