端午節假期得我一個人

今日雖然係假期唔駛番工，但係就得我一個人，留响屋企上網。佢去咗邊？佢今日 fully booked 呀，就連晏晝同晚飯都陪唔倒我食。

最初佢研究呢門學問嘅時候，係希望令自己更了解自己，更了解對方，大家嘅感情亦都更進步、更穩固。

後來發現其實身邊朋友，對於自身同感情，以至同其他人嘅關係，都覺得好迷茫，畢竟我哋呢個圈嘅姊妹，比起其他人需要承擔更多額外嘅壓力。所以佢開始嘗試用呢套系統，希望可以幫倒啲朋友，自此佢就變得越嚟越忙。

話雖如此，見倒佢可以用自己嘅興趣幫人，而且嗰啲人亦覺得呢套系統幫倒佢哋，又的確係幾開心嘅，之所以我而家咪得閒寫吓 Blog 囉！