茄呢啡 ＠Volume

今晚有個 friend 約我哋去 Volume，佢話大會攪個脫衣舞 show，我哋應約九點半到，啲 friend 一早已經到咗霸定位添，坐咗無耐就見到有棧大光燈射過嚟，睇真啲原來係大會工作人員，攞住部攝錄機（托上膊嗰隻）掃晒全場，我就即刻拎轉面，佢影咗一陣就放低咗部機，我諗佢應該係响度試緊機，我覺得唔多對路，就同啲 friend 講要走先，我哋兩個就趁個 show 未開始之前閃走。

後來啲 friend 話番俾我知，好彩我哋閃得快咋，個脫衣舞娘做 show 時逐枱走埋去攪氣氛，而大會將成個過程錄低晒，聽聞會作為 gay movie festival 嘅 documentary 喎，全部影大頭，你都咪話唔驚，大家都明白我哋呢啲成熟姊妹唔多方便嘅。

其實大會打算有呢啲攝錄安排，應該事先通報呀嘛，始終唔係人人都方便上鏡架嘛！