黑色星期六

今日揸車出街，去到街口個燈位，已經有兩架車响紅燈前面，咁我當然係停响佢哋後面啦，點知停低無耐，有架貨 van 由後面撞埋嚟，落車一睇，成個尾門都凹晒呀，個貨 van 司機都知衰，但係佢開價話賠兩千，我哋都費事睬佢，打電話報警，啲差人嚟到叫我哋自己傾價錢，我哋堅持要去原廠整，差人話我哋有十日時間，如果到時再傾唔掂數，可以去交通部落口供 claim 保險。

差人走咗之後，我哋揸架車去相熟車房，但係星期六下晝，office 收晒工，唔知 parts 幾多錢，所以都報唔倒價，但係初步睇，應該無撞到個車架，可以繼續揸住先，禮拜一報咗價再打俾我哋。

無啦啦搞咗成日，好黑仔呀！