無晒心機

我個 hard disk 死咗呀，死到連機都開唔倒，雖然我部機仲係 under warranty，原廠會免費幫我換番個 hard disk，但係最大鑊嘅係，入面啲嘢會無晒呀！

諗住拆佢出嚟，用 USB 抄番啲嘢先攞去整，但係一啲都 read 唔倒，終於要攞去做 data recovery，個老闆話好彩個頭未壞咋，如果唔係，收費肯定要五位數字！

到而家都成兩個禮拜，我都未抄番晒啲嘢落個新 hard disk 度，呢個故事教訓我哋，記緊幫個 hard disk 做 back up 呀！