書展

連續幾日嘅書展都好多人，統計數據話入埸人數破晒記錄，睇嚟好似多咗人買書睇，但係我自己反而就覺得唔係，因為其實場內啲展商，唔係賣暢銷書，就係賣啲好舊嘅書。

好似我自己咁呀，本來心目中有五、六本書想買，去咗三日，行足全場，問晒啲展商，都只係搵倒一本咁大把，我 partner 就好啲，佢買咗三、四本日文譯本嘅興趣書。

究竟香港人真係培養起閱讀興趣，定只係人有我有嘅心態呢？