生日節目

今年生日仲要撞啱 long weekend，Zel 安排好晒節目，星期六約咗成班人去食日本料理放題，唔好以為放題啲嘢會唔好食，呢間放題真係好正，啲魚生件件都好厚好新鮮，又排得好靚，唔似有啲放題好似成堆爛布咁，串燒一樣係咁正，完全唔乾好入味，另外就連汽水啤酒都係任飲，一罐罐咁上，仲要唔係水貨，最可惜嘅係，大家狂點狂食，唔記得咗影相。

食完飯我哋就轉戰 Sky，嗰晚好多人，都係搞生日，好似 Zel 話齋，呢排生日嘅都係雙子座，咁貪玩梗係出晒嚟啦！踏正十二點，total 有四個蛋糕一齊出，Zel 親自捧個蛋糕嚟，影完晒相、吹完蠟燭，仲親自分埋。呢個蛋糕係 Zel 精心挑選，佢個名叫「雷電小火龍」，點解揀佢？因為佢似我囉，尤其係我鬧人嘅時候，呵呵！我一於改用佢做我嘅 icon 啦！


之前嗰晚玩到天光，尋日正日，瞓到下晝先起身，然後就係二人世界撐枱腳。今日就去咗行街，買衫換季，我收穫都幾豐富，衫褲鞋都買倒，反而 Zel 淨係買咗幾件 t-shirt 咋。