十八小時

星期五晚眾人知道我得一支公，全人類都出晒嚟，就連平時最早走嗰啲，都留守到最後，真係非常感激大家！

因為尋日朝早有嘢做，所以飲完嘢番屋企沖個涼，瞓咗幾粒鐘就起身番公司，連埋星期五半夜起身，車家姐哋去機場，已經極度唔夠瞓。

卒之我尋日食完 lunch，番到屋企三點鐘就開始瞓，一瞓就瞓到今朝九點，瞓足十八個鐘，中途完全無醒過，水都無起身飲一滴，我自己都嚇親。