一波三折

原本 Zel 家姐一家搭 Viva 首航由悉尼飛澳門，點知航空公司臨時通知，因為澳洲航空局唔俾起飛，Viva 幫佢哋安排坐 CX 飛香港，大家都覺得咁咪仲好，唔駛特登走過去澳門，不過班機嘅 arrival time 係 0525！

去到機場，CX 地勤又廣播，因為呢班機太 full，呼籲乘客如果唔趕嘅話，可以轉搭下一班機，佢哋會 provide 一晚機場酒店，另賠 400 蚊，家姐打嚟問我哋好唔好，我哋叫佢哋 accept 個 offer，咁我哋唔駛咁早去機場，家姐又有 bonus 收。

點知埋到去 counter，先發現 Viva 淨係 transfer 咗家姐同姐夫張 ticket，但係就漏咗姨甥仔嗰張，佢哋打去 Viva 响 Sydney 嘅 office，但係已經過咗 office hour 無人聽，我就打去 Viva 香港嘅 hotline，電話來來回回，都係要等第朝先可以做倒嘢。

好彩 CX 好幫手，佢哋响下班機預先留咗三個位，等第朝 Viva 搞手續，雖然 CX 嘅 record 只係有兩個乘客，但係佢都照樣俾個 family room 家姐哋三個人瞓。

始終都係 CX 嘅 service 好好多，尤其响有問題出現嘅時候，就知道真功夫！